ЦАРМ ЛАСЫН

тж. ЦАРМ СТИГЪЫН

1. Искæуыл фыргуыст кæнын, искæмæй тона кæнын, тыхæй исты исын, фыдмитæ кæнын.

Содрать шкуру.

Адæм фæстæмæ куы æрыздæхтысты афтид армæй... æмæ сæ алкæйдæр ... хæдзары къуым аразын куы бахъуыд, уæд сын сæ царм раластой... Михел æмæ Хуысинæ. (Бекъойты Е. Фатимæ.)

2. Тынг фæнæмын.

Спустить шкуру.

Хосро лæппутæм фæдзырдта æмæ æцæг дыууæ зæрондæн надæй сæ царм раластой. (Гæдиаты С. Саударæг ус.)

3. Критикæ кæнын, бафхæрын.

Абон нын областы хицæуттæ нæ царм раластой æмбырды, нæ, дам, тох кæнут «нетрудовой доходы» ныхмæ, сыдæй амардыстæм... (СИ. 1990, 189.)